Future Boston

Boas, o que presento na seguinte entrada non é unha spin-off ou unha empresa xurdida a partir dunha universidade pero si é algo parecido que creo que ten moita utilidade para a poboación. Future Boston é un proxecto de investigación nado no 2007 e levado a cabo por profesionais do department of urban studies and planning do Massachusetts Institute of Technology (MIT) coa intención de mellorar a competitividade da cidade no crecente mercado global mediante a participación dos seus cidadáns. Pretendese tamén con este proxecto mellorar a información sobre a cidade e que a poboación participe no planeamento da mesma.

Dentro deste proxecto elaboraron varias iniciativas:
    · Programas de televisión onde se indaga nas estratexias doutras cidades do mundo e así poder aprender algunha lección para a cidade de Boston. Realizaronse programas de cidades como Dublin, vancouver, Portland ou Seoul.
    · As IdeaJams. Simposios presenciais de forma tamén online onde se discuten ideas para mellorar a cidade e se votan ás mellores.
    · Competitive edge tool. Un visor GIS útil para calquer persoa, onde se pode visualizar aspectos sobre a cidade tales como, áreas industriais e comerciais prósperas (o mellor para saber onde localizar o teu negocio), prezos do solo e da vivenda (saber onde che sae más barato comprar unha casa), calidade de vida por barrios (mellores zonas onde vivir), acceso aos servizos básicos (facilidade para ir a escola ou a un hospital), etc.

    · Boston 2017. Un espazo onde se poden presentar ideas ou proxectos urbanísticos sobre a cidade.

    · Future Boston Prime Time Forum. En último lugar, ao final do proxecto fíxose un foro televisado onde membros do proxecto deron as súas recomentdacións de ordenación para a cidade de Boston nos seguintes campos: saúse, deseño e sustentabilidade.

Non atopei por ningures se esta iniciativa tivo plasmación física e efectiva no territorio, pero dame a sensación de que non. En calquer caso debería ser un proxecto tido en conta polos xerentes da cidade, posto que a cidade é das persoas e merecen participar.

Esta iniciativa non se trata dun proxecto empresarial nin busca nigun beneficio económico, senón que se trata dunha ferramenta ou método de planificación que aporte un servizo útil á sociedade, neste caso a de Boston. Pareceme interesante esta iniciativa posto que se trata dun xeito de involucrar á xente na ordenación territorial, aportandolle información sobre a cidade e capacidade para decidir ou contribuir. Este proxecto nado na universidade transmite coñecimento sen ánimo de lucro, co único fin de servir á xente e á cidade. Pareceme pois adecuado tela en conta como boa práctica, xa que a participación da cidadanía considero que é algo fundamental na planificación territorial e no desenvolvemento endóxeno.

Un saúdo, Antón Carballo.