INVITACIÓN EXPRESA PARA OS ALUMNOS DO MÁSTER EN PLANFICACIÓN E XESTIÓN DO DESENVOLVEMENTO TERRITORIAL DA USC
No
marco da estratexia de alianzas da USC con axentes implicados na
promoción do emprendemento, a Área de Valorización, Transferencia e
Emprendemento da USC (AVTE) e Uninova, facilitan a realización na USC da
acción formativa “Iniciativa Emprendedora”.
Esta formación será impartida pola Escola de Organización Industrial (EOI),
decana das Escolas de Negocio en España e pertencente ao Ministerio de
Industria, Enerxía e Turismo. É experta na posta en marca de empresas,
participou na xestación de varios miles de proxectos de empresas tanto
dentro como fora de España.
Trátase dunha actividade teórico- práctica de carácter gratuíto dirixida principalmente a persoas matriculadas en algún máster da USC.
O proceso formativo consta dunha parte lectiva, de 30 horas de duración, na que se transmiten conceptos imprescindibles para a creación dunha empresa e refórzase con 40 horas de titorización a distribuír entre todos os grupos de traballo.
Os
módulos a impartir na fase lectiva son: O Ecosistema do emprendedor;
Estratexia ; Innovación; Finanzas; Marketing; Operacións; Propiedade
Intelectual e Comunicación. Ao mesmo tempo, crearanse grupos de traballo
entre os participantes. Cada grupo elaborará un plan de negocio
partindo dunha idea de empresa. Durante as seis semanas de duración do
curso e coa axuda dun titor elaborarase o plan de negocio. Finalmente
realizarase unha presentación de cada proxecto ao resto dos alumnos ou
posibles inversores como exercicio práctico de comunicación.
Esta iniciativa dará comezo en Santiago, na aula de formación do Edificio Emprendia o día 11 de novembro en horario de 15.00 a 20.00 horas. As xornadas lectivas terán lugar en novembro os seguintes luns: 11, 18 e 25 e en decembro os luns 2, 9 e 16.
Máis información nos teléfonos: +34 881815593/+34 881815595/+34 881815596
Rosa Sánchez Santos
UNINOVA
Edificio Emprendia
Campus Vida, s/n
Universidade de Santiago de Compostela
15782 Santiago de Compostela
SPAIN
Tel.: +34 881 815 596
15782 Santiago de Compostela
SPAIN
Tel.: +34 881 815 596
No hay comentarios:
Publicar un comentario